dilabimur, testante Philosopho, crudelitatem
facti aequalitas consoletur, moerore
deposito: et qui talem et tantum dilexistis
autorem, ad cujus exequias concurratis
orantes pro illo dodore mirabili, qui a
mane usque ad vesperas clamavit sicut pullus
hirundinis, et ut columba meditatus est ponendo
animam pro scholaribus, docendo desiit
et docuit desinendo, etc.
Cap. VIII.
Eisdem, de eodem, facta mentione de quodam
alio magistro praemortuo.
Sedentibus super aquas amaritudinis, et in
salicibus organa suspendentibus, Neapolitani
studii doctoribus universis, magister
Petrus solamen s. Spiritus, et illam quae
omnem sensum exuberat pacem Domini nostri
Jesu Christi. De seculo nequam et
valle miseriae, ad scholas florentis patriae, ubi
garrulitatis improbae nullus auditur tumultus,
illius vocatione, cujus Imperium in
coelo et in terra, et in omnibus extenditur
creaturis, Grammaticorum eximius consocius
noster et confrater, magister G. noviter evocatus,
ab oculis nostris pertransiit velut umbra,
imo evanuit. Ad cujus transitum studii
Parthenopensis obscuratus est sol, et
luna eversa est in eclipsin. Nam ars Grammaticae