ANNO MCCO sexagesimo, mense ianuarii, III. indiccione.
Pro ilicitis concessionibus ecclesiarum et indebitis collacionibus
beneficiorum, pro multis donacionibus et alienacionibus possessionum
nec non feudorum et tenimentorum excusacionibus,
diversis modis ac temporibus, quandoque monachorum consensu,
multociens extra eorum assensum, ab abbatibus dolose perpetratis,
monasterium Sancti Vincencii de Vulturno a status sui digitate
miserabiliter corruens, cum possessionum ammissione eciam. bona
temporalia perdens, iacet nunc multis ruinis et calamitatibus op pressum,
et quod super omnia monasteria, que in circuitu eius
sunt, olim gloria vigebat et nobilitate, modo, nostris exigentibus
commissis, bonis omnibus fere destitutum innobilitati ac verecondie
tenetur pre cunctis obnoxium; et cuius preconia per cunctorum ora
solitum erat volitare, nunc, res in contrarium versa, omnibus ruinam
eius scientibus habetur in derisu et contemptu et pars eorum
effecta, est tota die. cuius siquidem lugende calamitati, licet sera
penitudine, nos monachi prefati monasterii viribus totis obviare
volentes, mandato ac licencia domni Placidi venerabilis abbatis dicti
monasterii, universi a iunioribus usque ad seniores, mera et spontanea
|
|