a veteri homine non est mutatus: sua enim vita
vivit, et ideo lex supra illum est; quia qui eam
non implet, infra illam est; nam justo lex posita
non est, id est, imposita, ut supra illum sit. In illa
est enim potius quam sub illa, quia non sua vita
vivit; cui cohaerendo lex imponitur; ut enim sic
dicam, ipsam quodammodo legem vivit, qui cum
dilectione justitiae juste vivit.
10. LANFR. Plagiariis . Plagiarii sunt clam transferentes
homines de patria in patriam, et
vendentes.
11. AMBROS. Secundum Evangelium . Quae ab illo
nobis tribuitur, et beatum dicit eo quod beatitudinem
in natura habeat immutabilitatem [ f. , in
mutabilitate].
12. AUGUST. (serm. 9 De verb. Apost. , cap. 6,
tom. X). Quorum primus . Apostolus novissimus,
peccator primus. Et hic quomodo primus peccator?
Quorum primus ego sum . Quia omnibus prior sum,
ergo pejorem voluit intelligi primum.
13. LANFR. Ad informationem , id est, hi qui in
Christum sunt credituri, in magnis peccatis non
desperent de misericordia Dei, in eo videlicet exemplo
informati.
14. Secundum praecedentes . Spiritus sanctus semper
praedicebat Apostolo quidquid oportet eum injungere
Timotheo. Et est sensus: Commoneo te
secundum quod inspiratio sancti Spiritus suggerit
mihi.
15. AMBROSIUS. Secundum praecedentes . Hoc secundum
revelationem divinam, tui faciens electionem,
commisi doctrinae opus.
|
|