Gregorius de Catino: Chronicon Farfense

Pag 213


Gualabruni refutavit huic monasterio res suas infra castellum
Limisanum. item, Marro filius Dodę et Purpura filia Faidonis
concesserunt huic monasterio res suas in ducatu Spoletano
ad Maltinianum, et in Staquano, et in rigu de Viti modiorum
tercentorum. item, Adam pręsbyter et monachus et Ioseph
monachus, qui fuerunt fideicommissarii cuiusdam Iordanis nepotis
prędicti Ioseph, concesserunt huic monasterio res illius territorii
Sabinensis, hoc est tertiam portionem in pertinentia Collis
de Nigra, et in Pacciano. item, Benedictus filius Petri diaconi
et Rosa uxor eius concesserunt huic monasterio res suas,
medietatem in pertinentia de Catino ad Corolianum, et de ęcclesia
Sancti Stephani duas portiones. item, Ofridus filius
Crescentii,et Giramba uxor eius concesserunt huic monasterio
et domno B[erardo] abbati res suas territorii Sabinensis et comitatus
Otriculani, idest quintam portionem de castello Maliano,
et de castello Civitella. de quibus rebus Carbo filius Alamanni
fecit promissionem huic monasterio et domno Berardo
abbati, ut una cum heredibus suis imperpetuum per bonam fidem
adiuvet nos retinere acquisita et acquirenda in pertinentia de
Malliano et Civitella contra papam et regem et comites et omnes
homines, et portionem suam non donent neque concambient aut
vendant ad detrimentum huius monasterii; et si hęc non observaverint,
componant libras triginta auri optimi. item, Lidenus
filius Iohannis cum consortibus suis concesserunt huic monasterio
et domno Berardo abbati portionem suam de castello Alatro.
item Rainerius filius Ioseph concessit huic monasterio res suas,
idest medietatem de castello Cornu, et medietatem de castello
Paterno, ct sextam portionem de castello Baio quod vocatur
Ianulę. item, Crescentius pręsbyter cum consortibus suis
concessit huic monasterio ecclesiam Sancti Laurentii in Sala territorii
Sabinensis. item, Franco filius Savini concessit huic

Torna all'inizio