hec: fatebor ingenue. Iuuat colloqui. Est
michi amicorum notabilis unus, etate, uita, et
religione conspicuus, monachus monasterii
Sancti Salui prope Florentiam, ordinis
Vallis Umbrose, qui nudius tertius Abbate
Monasterii eiusdem concedente nature, concorditer
in Abbatem a capitulo postulatus est,
nullum obicem habens; me amicorum suggestionibus
impulit, ut mature ad curiam negotium
executurus accederem, liquido asserens nullum
impedimentum obstare, quominus expeditionem
felicem et celerem obtinerem. Idem exortatur
Abbas maior et supplicatione et literis ad
summum Gerarcam et ad Cardinales, me
muniuit; quibus omnibus fretus accingor, non
tam rebus aliis, quam fide et solertia, quibus
possum, consilia mecum uerso hinc atque hinc,
ut finem attingam. Sed ne te diutius morer,
audi: fere puluerem de pedibus meis excusseram,
aut barbam, nauigatione hyspidam et
colorem fuscum posueram, cum repente iam
dictus Umbrose Vallis arbiter, et profundissime