Hugo Falcandus: Epistola ad Petrum Panormitanum Ecclesie Thesaurarium

Pag 177


vel quem ingentis ausi postmodum non peniteat, si Panormum
laudibus extollere et eius gloriam verbis equare contendat? Quia
vero semel conceptum verbum intra pectoris claustra continere
non possum, temptabo facultate qua valeo pauca de laude ipsius
breviter succincteque perstringere, ut ex hoc ipso appareat quanta
sit lamentatione deflenda, quanta fuerit dotibus gloriosa.
Hec ergo civitas in plano sita, maris ex uno latere crebris
insultibus fatigatur, cuius tamen fluctibus retundendis Vetus palatium,
quod dicitur Maris castellum, murosque multa turrium
densitate munitos opponit. Alterius vero lateris partem oppositam
palatium Novum insedit, mira ex quadris lapidibus
diligentia, miro labore constructum, exterius quidem spatiosis murorum
anfractibus circonclusum, interius vero multo gemmarum
aurique splendore conspicuum; hinc habens turrim Pisanam thesaurorum
custodie deputatam, illinc turrim Grecam ei civitatis
partique Kemonia dicitur imminentem. Medium vero locum
pars illa palatii que Ioharia nuncupatur, plurimum habens decoris,

1



5




10




15

Torna all'inizio