Cap. XXXVI.
Magistris portulanis de armatura facienda
contra Januenses et piratas.
Crebrae nostrorum fidelium, quorum indemnitatem
omni cautela possibili nostra
procurat humanitas, querelae nostrum
auditorium circumstrepunt, qua iter Januensium
aliorumque rebellium nostrorum piratarum
saepe laeduntur incursibus et ab eis in rebus
damna quam plurima, et in personis subire
coguntur injurias, quibus deberent, rebus ordinarie
procedentibus, continuas irrogare jacturas.
Fideles igitur nostros sic reddere volentes
indemnes, ut offendant etiam et damnificent
infideles, benigna quadam compassione
providimus, ut in terris maritimae, qua parte
potius eorundem rebellium laborat infirmitas
homines, videlicet quorum magis agitur
interesse, si foret hoc possibile: vel eos, in
quorum favorem, hoc tam utile redundare
potest negotium, adjunctis auxiliis, ad quae
ipsos verbis pertrahi volumus inductivis: et si
suasioni forte non crederent, prout expedire
videbitur, ad ea praecipimus compellendos,
sine nostris expensis armari vasella competentia
faciant, quae ut servitia ipsi commodius
exequi valeant, eis de vasellis nostris volumus
exhiberi, ad praedictorum rebellium temerariis
ausibus resistendum: ut dum marinis