quam efficacius inferendam te studiosum fore
credimus et attentum, quam propter fidelium
nostrorum salutarem defensionem, milites tuae
jurisdictionis dudum suppositos, equis et
armis volumus esse munitos, ita, quod per defectum
armorum et equorum, servitia nostra
non remaneant imperfecta; devotioni tuae
praecipiendo mandamus, quatenus sic instanter
procures et facias, quod omnes tuae jurisdictioni
subjecti, qui equos retinere debent et
arma, sint ipsis ut convenit sine mora
qualibet praeparati, ad nostrum servitium
tecum laudabiliter processuri. Super aliis vero
quae scripsisti Celsitudo nostra providere curabit,
prout honori nostro viderimus expedire.
Tu autem in his et aliis servitiis nostris, et
maxime circa diligentem custodiam civitatis
Thaurini, taliter praevigil et studiosus intendas,
quod ipsa operum patens efficacia, in
Excellentiae nostrae oculis te, juxta solitum,
commendabilem repraesentet.
Cap. LXXXV.
Vicario, ut diffidat Januensibus rebellibus
Imperii, qui mentiti sunt fidem quam
promiserant.
Venientibus ad praesentiam nostram pridem
nunciis Januensibus, et pro parte
totius communis eorum latis literis,