Ioachim de Flore: De vita Sancti Benedicti et de officio divino secundum eius doctrinam

Pag 19


qui pari modo designatus est in Esau, in quo secundum carnem
natus est Christus, multi transierunt ad partem Jacob. Transeant
et nunc qui volunt, et efficiantur Jacob quibuscumque pars displicet
Esau, si tamen velint vivere secundum Jacob, et non persequantur
natos secundum spiritum, quia et nonnulli cum Esau benedictionem
habere cupiunt, sed non se tales exhibent qui benedictionem
acquirant.
6. Locus esset amodo a Jacob narratione transire, nisi pauca,
sed non parva, superessent de Benedicto dicenda. Necesse est enim
primo latitantem per tres annos requirere, donis nobis divinitus traditis
ipsius animum refocillare, ne forte ad rem pertineat quod et
nobis, licet indignis, ad proprium commodum preparantibus escas,
in nocte diei paschalis sermo hic factus est, ita ut ex eo usque ad
presens, «per abrupta montium, per concava vallium, per defossa
terrarum», transiremus universa, scilicet, veteris et novi Testamenti
ora lustrantes, et necdum nobis apparuit qui latebat in
antro per annos tres; nisi modo quippe; cum et Helias anno tercio
apparuisse legatur. Utique et annus iste tercius est, quo taliter ambulare
cepimus, et in hac quippe sollempnitate paschali complebitur
et diem, quem tercium sacra Scriptura cognominat. Denique et tempus
istud, secundum quod alibi disputavimus, resurrectionis est, quia
necesse est ut hoc tempore amoveatur lapis presolito, et spiritalis
veritas de monumento ascendat. Quid ergo per Benedictum, qui
tribus annis in specu latuit, nisi ordo inchoatus ab ipso, ut iam clarere
incipiat per Spiritum sanctum, qui usque ad tempora ista, velut

Torna all'inizio