X. [Subvenit Homini] - Ex re nomen habet lauacrum quia subvenit egris.
Nominis effectum gaudet habere sui.
Purgat pulmonem; deponit pondera splenis.
Depurat tumidum certa medela iecur.
Tristicie causam gelido de pectore tollit.
Humores ventris leuiter unda lauat.
Defectum stomachi tollit confortat et ip[su]m
Ut solitum solitas appetat ore dapes.
Vocem sincerat genus aufert omne doloris.
Talis amatores recreat unda suos:
Hic eciam deponit onus longeue podagre
Hic datur articulis induciata quies.
|