ipsis personaliter nihilominus secundario, nostro
culmini fidejussoriam cautionem exhibere
volentes, se de nostra Curia nullatenus discessuros,
nisi de mandato nostro procederet speciali,
dignaremur praedictos eorum filios a dicto
carcere liberare. Unde cum pro parte ipsorum
super his plenius certificari velimus, instans
negotium ad te duximus remittendum:
tuae devotioni mandantes, quatenus petentium
ipsorum et rei qualitate diligenter inspecta,
quid exinde nostrae expediat Majestati,
cautius tuis literis nostram debeas Excellentiam
edocere.
Cap. XLVIII.
Concedit licentiam quibusdam mercatoribus,
faciendi praesalias contra rebelles, qui eos
disrobaverunt.
Universis etc. Fidelitati vestrae notum facimus
per praesentes, quod B. et M.
mercatores de N. fideles nostri, ad nostrae
Celsitudinis praesentiam venientes, Majestati
nostrae humiliter supplicarunt: ut quia dum
ipsi quandam navim, cum eorum mercibus et
rebus aliis valentibus uncias auri centum et
plus, Venetias destinarent, rebelles nostri Anconitani,
navim ipsam hostiliter invadentes,
ceperunt eam cum mercibus antedictis: capiendis
de bonis ipsorum, quousque de damno
ipso resarciantur ad plenum, de nostra gratia
concedere licentiam dignaremur. Nos igitur
supplicationibus istorum benignius inclinati,
cum eisdem fidelibus nostris damna passis