roborate firmiter, speraturi quod totum regnum
in brevi, dante domino, reducemus
ad fidem regiam, ac statum prosperum
et tranquillum.
Cap. XLVI.
Manfredus eisdem et super eisdem et significans
de morte Johannis Mori proditoris
Regis.
Ad renovanda praeteritae festivitatis solennia,
quam de expugnatione ac expulsione
communium hostium,
praecedentes vobis nostrae literae portaverunt
praesens ad vos accedit epistola novum subsequens
gaudium relatura, quod per illius gratiam,
qui causam domini Regis, domini nostri
charissimi et nepotis naufragari non patitur,
liberata provincia de faucibus invasorum,
universae civitates et castra, quae ad se falsis suggestionibus
traxerat, ad regiam fidem redeunt,
et animi fraganti devotione suum dominum
recognoscunt, veniam postulantes, et
enervante divina potentia vires hominum, qui
ad exhaereditationem Regis nequiter aspirabant,
ne quam ille malignus proditor Johannes Morus,
qui filium illius nitebatur opprimere, qui
eum de stercore suscitavit, incidens in laqueum,
quem tendebat, a suis justo judicio est occisus,