nec minus quidem mente quam corpore letificati, idonee postulationi tue satisfacere procuravimus.
EXORDIUM
9 Tue littere, fili karissime, cordis melle condite, ita tui nobis saporem medullitus infuderunt, et nos ad tuas rationabiles postulationes annuendum protinus sapuerunt, ut et nobis dulce sonaverint que scripsisti, et sapuerit plurimum suave, quod nobis breviter denotasti.
PETITIO
10 Quapropter te plurimum deprecamur, quatinus tua negotia facere taliter studeas, ut quod te absente credimus, te presente cognoscere valeamus. 11 Quam ob rem prudentiam tuam maxime rogitamus, quatinus amorem sapientie unanimiter appetas, ut cum ad nos fueris reversus, velut stultus nullatenus ostendaris.
VEL PETITIO
12 Cuius rei causa providentiam tuam nimium flagitamus, quatinus in incessibus moderatum, et superbiam execrabile vitium sic te odientem ostendas, sociis placabilem et benignum exhibeas, ut cum nostre maioris ecclesie clerici te eligendum providerint, ad maiorem gradum sine ullo inpedimento valeas pervenire.
CONCLUSIO
13 Quod quidem si feceris, gratiam et bonam voluntatem paternam te obtinere cognoveris.
velCONCLUSIO
14 Quod nimirum si surdis auribus non perceperis, noveris petitiones tuas effectui merito mancipandas.
|
|