Sectio persecutio iuris.
Secundsea res non a numero dicuntur, sed quia, ut velimus,
sequantur.
Sinciniam cantionem solitariam.
Sectores et qui secant dicuntur, et qui empta sua persequuntur.
Sicyonia genus calciamenti. Lucilius (1161): “Et pedibus
Iaeva sicyonia demit honesta.”
Simultas, id est odium, dicta ex contrario, quia minime
sint odientes se simul; potest et a simulatione dicta existimari,
quia simulata loquuntur ad invicem.
Sementivae feriae fuerant institutae, quasi ex is fruges
grandescere possint.
Simpulum vas parvulum non dissimile cyatho, quo vinum
in sacrificiis libabatur; unde et mulieres rebus divinis deditae
simpulatrices.
Senacalum locus senatorum.
Sentinare, satagere, dictum a sentina navis, quam quis, ut
aqua liberet, evacuare contendit; itaque sentinare est suptiliter
periculum vitare. Csecilius (4): “Capit consilium,
postquam sentinat satis.”
Sentes spinae. Afranius (1): “Quam senticosa verba pertorquet
turba!” hoc est spinosa.
|
|