A . Modus rescribendi quando citacio vel aliquid
alicui conmittitur faciendum.
Reverendo in Christo patri domino I dei gracia cantuariensi
archyepiscopo tocius Anglie primati decanus suthillagensis
reverenciam debitam et honorem.
Reverende paternitatis vestre litteras sub hac forma
recepi: frater I etc. ponatur totus tenor litterarum,
post modum sic dicatur:
Quarum auctoritate R personaliter inventum tali die
citavi iuxta vestrarum litterarum continentiam.
Vel sic: quarum auctoritate Iacobum clericum, nuncium
meum iuratum, ad domum ipsius R ut eum citaret
transmisi. qui Iacobus, sicut nobis postmodum veridice
retulit, ipsum R personaliter inventum tali die citavit iuxta
vestrarum continenciam litterarum.
Vel sic: quarum auctoritate prefatum R domui et vicini,
cum personam ipsius invenire nequiverim, tali die,
citavi, iuxta vestrarum continenciam litterarum.
Datum in tali loco, iiii idus maii, anno domini m°. cc°.
lxxxiiii.
B .
Ut tollatur insufficiens modus Anglie rescribendi, qui
talis est: mandatum vestrum sum reVerenter executus, et sic
non constat utrum in persona eum citaverit vel ad domum,
et utrum per se vel alium, nec qua die citatus fuerit, nisi
sicut ex data, littere certificacio qualiquali modo presumitur,
sciant cuncti, modum et formam qua mandatum
execudoni mandatur rescribendum esse clarissime et
aperte, ut sciatur qualiter et quomodo sit mandatum
conpletum.
Verbi gracia si mandatur alicui, ut aliquem exconmunicatum
denunciet, debet rescribere: tali die in tali ecclesia
in missarum sollempniis, pulsatis campanis et candelis accensis,
|
|