n. 87
Episcopo Pactensi Nicolaus de Rocca.
Multiplici vobis, domine, ratione congaudeo quod in
paradiso deliciarum et loco pascuae fortunae vos celebris
felicitas collocavit. Gaudeo quippe vos Ligurum accidentia
subito non timere tonitrua. Gaudeo viarum discriminosis
eventibus et hospitiorum non minus dubiis cessisse
periculis. Gaudeo vos illam virtutem, securitatis alumpnam,
levius verbo quam facto portabilem, rerum sophisticam,
melius ori quam corpori consonam, qua jam nos
omnes ditatos inspicimus, corporalem inopiam non sentire.
Gaudeo sospites adesse vos corpore ut sistat saltem
personae secundae suffragium cui passiones absentium
familiari quodammodo conquestione monstrentur. Gaudeo
vos abesse loco, non animo, manifesta ratione praesumens
quod exaudibilis utinam in ore vestro frequentetur
oratio, solis nostri circuitum metientis jam bina
temporum seu fastidita potius revolutione a Liguria ad
hemispherium fertilis et redolentis Apuliae crebris intercessionibus
vocativa. Haec igitur anxius potius recitare
quam scribere, eatenus me vobis offero, domine, quatenus
ad nutum recipere me placeat et habere. Cujus si
|
|