Non ab arbore procedis vili nata genere,
Sed de cedris paradisi, uti possunt cernere,
Qui cognoscunt tuam gentem delapsam ab hethere.
Dictis, factis, ut oportet, redde sua cesari;
Inimicos eius merge in profundum Trenari,
Holofernem redde truncum cum filia Merari.
CAP. XXXVIIII.
OMNIBUS EPISCOPIS.
QUOD CYNIFLones fidem floccipendunt,
Oleum quoque somnolentis vendunt
Qui
sapit tantum
ad sobrietatem ,
Subsannat prorsus hanc fatuitatem.
Bilinguis turba crevit super numerum,
Veluti muscę ad fetorem vulnerum.
Hos scribit mundus in suis matriculis;
Vix invenitur fides in christicolis.