Thomas de Celano: Legenda ad usum chori

Pag 430


sopitur sensus carnis, introducitur <I>in sanctuarium Dei</I>; luculenter
inspicit futurum sui gregis augmentum. Gratias agit Deo, revelat filiis
haec et his plura, quae vidit. Scribit proinde regulam evangelicam
sibi et suis habitis et habendis, quam dominus papa Innocentius,
operante Dei gratia, confirmavit. Fiducialius itaque <I>exit</I> in orbem
<I>ad opus</I> Evangelii, nullis utens verborum adulationibus, sermonum
respuit blandimenta et in <I>prudentiam responsionum eius</I> viri <I>obstupescunt</I>
doctissimi. <I>Binos</I> et <I>binos</I> confoederat, secundum Evangelium,
fratres suos et mittit <I>in universum mundum</I>. Minores eos
vocat, ut nominis sui professionem praecipue humilitatis virtute decorent.
/*
<B>6</B> Edocet eos mortificare vitia, carnis incentiva reprimere,
exteriores sensus reddere insensibiles ad cuncta quae perstrepunt.
Nam et ipse, quoties, ut assolet, carnis titillatione pulsatur, toties
in foveam plenam glacie immergitur. Hoc etiam mortificationis
exemplum imitantur et caeteri. Cauta examinatione fratrum acta

Torna all'inizio