Ecce communem patrem visurus et dominum montana cum festinatione
conscendo. Eo tamen pacto, ut, post preteriti temporis quatragesimalis
excursum, inter famelicos cenobitas viatoris stomacho delicato propinet
esum pinguium abba pater. Vale.
Idem eidem.
Cum honoris integritate et innocentie puritate est communis germanus
de imposito sibi crimine, veritate faciente, que Christus existit, emulorum
relatibus nequaquam obstantibus liberatus. Et per hoc corpore
pariter letificatus et spiritu, hoc instanti die montana communem patrem
visurus et dominum cum festinatione conscendam. Eo tamen pacto, ut,
post preteriti temporis quatragesimalis excursum, inter famelicos cenobitas
ascensoris stomacho lacessito esus pinguium propinetur.
|
|