et dierum antiquitate fetidus, qui tante uenenositatis erat, ut
non solo fetore, sed eciam ipso uisu, quantum contemplari poterat,
aerem corrumpebat etc.
Qualiter Alexander interfecit Basiliscum
Transeuntes itaque Macedones et Perse solo uisu serpentis
cadebant exanimes. Milites uero Alexandri cernentes tale periculum
non amplius procedebant dicentes: "Deorum uirtus ante
nos in itinere consistit, que nos amplius non transire demonstrat."
Alexander uero solus cepit super uerticem montis ascendere,
ut a longe posset causam tante pestilencie prouidere. Et
cum in superiori parte montis consisteret, uidit Basiliscum in
medio tramite consistentem. Et continuo, cum Basiliscus senciebat
hominem uel animal appropinquare, sibi aperiebat oculos
et quotquot aspiciebat, illico interibant. Quod cum uidisset
Alexander, continuo descendit de monte et constituit terminos,
quos nullus presumeret excedere, et fecit clipeum magnum,
longum septem cubitis et latum quattuor cubitis. Et ab exteriori
parte in superficie clipei fecit speculum magnum interponi fecitque
subtalares igneos per cubitum altos et accipiens clipeum
in brachio suo et sotulares in pedibus cepit contra Basiliscum
sibi preposito clipeo incedere, ita quod nec caput nec latera
nec pedes ullatenus uideri poterant. Et precepit uniuersis militibus
suis, ut nullus terminos prefixos temptaret excedere. Cum
autem propinquius esset Basilisco, aperuit Basiliscus oculos suos
et irato animo inspiciens speculum, semetipsum contemplans
in speculo illico est extinctus. Alexander itaque senciens illum
exanimem excudit super eum et uocans milites suos ait: "Venite
et uidete occisorem uestrum." At illi festinantes uiderunt Basiliscum
mortuum. Et continuo illum iussu Alexandri Macedones
cremauerunt et laudabant audaciam et sapienciam Alexandri etc.
Qualiter Alexander inuenit montem saphyrum etc.
Deinde amoto exercitu uenit ad extremam partem huius
itineris, ita quod amplius procedere non ualebat. Erant autem
mures appositi et rupes ut muri ex alto pendentes et uerso
tramite uenerunt ad planiciem prenominatam et proposuit per
septemtrionalem plagam accedere cupiens iter predictum. Per
dies quindecim ambulantes post hoc arripuit iter uersus dextrum
latus. 106. Ambulans per dies octoginta peruenit ad quendam
montem amatissimum, in cuius ripa catore auree dependebant.
Habebat autem ipse mons gradus ex lapidibus saphiris duo millia
et quingentos, quibus erat ascensus ad cacumen montis, et castrametatus
est ibi etc.
|
1
5
10
15
20
25
30
35
40
|