Salimbene de Adam: Cronica

Pag 874


Vita mundi, res acerba,
vita levis et superba,
cum sis nimis iracunda,
quid me petis furibunda?
Vita mundi, res deserta,
vita falax et incerta,
cum tu sis vermis et cinis,
quid in me quicquam definis?
Vita mundi, res polluta,
garrula, vaga, soluta,
cum sis tota plena nugis,
contra me cur stulta rugis?
Vita mundi, vita follix,
vita brevis atque mollis,
cum tu sis iners et rudis,
mentem meam cur deludis?
Vita mundi, res immunda,
solis impiis iocunda,
nutrimentum vitiorum,
quid habes in te decorum?
Vita mundi, res lasciva,
ebria, ceca, captiva,
immundicie lagena,
quare crederis amena?
Vita mundi, res molesta,
vita turpis et incesta,
cum sis nimis inhonesta,
me quid appetis infesta?
Vita mundi, res mendica,
impotens et impudica,
cum sis bonis inimica,
me quid petis ut amica?

Torna all'inizio