de Foliano prepositus Carpineti fuit locutus cum domno Bartholino de Foliano
ante ianuam maioris eclesie in platea comunis, et ille rumor per Dei gratiam et
opere illorum sedatus est. Et Bononienses misserunt certam quantitatem peditum
ad custodiam civitatis. Eodem M. domnus Henricus de Meçivilanis de Bononia
factus fuit potestas pro VI mensibus, scilicet a Kall. Iullii usque ad Kall. Ian.,
et fuit homo satis comunis et bonus inter ipsas partes civitatis, que erant valde
discordes. Et domnus Guido de Thumba, civis Çessene, factus fuit capitaneus
populi pro VI mensibus, scilicet a Kall. Aug. usque ad Kall. Febr. Eodem M.
quarto die Aug. pars illorum de Saxolo et de Savignano cum suis amicis, que de
civitate Mutine expulsa fuerat, ut supra continetur, facta pace per comune
Parme rediit in civitatem Mutine; et omnia castra per ipsum comune Parme
dirupta fuerunt pro bono pacis. Die quarto exeunte mense Novembr. facta fuit
pax inter Lupicinos, Mutos et Sturgidos ex una parte, Boiardos, Roglerios et Flordebellos
ex alia.
Anno Domini MCCLXXXVII. domnus Minacius de Cortesiis, civis Cremone,
factus fuit potestas pro VI mensibus, scilicet a Kall. Ian. usque ad Kall. Iullii.
Et eodem M. domnus Rufinus Riçardi de Parma factus fuit capitaneus populi pro
VI mensibus, scilicet a Kall. Febr. usque ad Kall. Aug. Eodem M. die quarto
Aprilis, in die Iovis sancto obiit domnus Honorius papa IIII, Iacobus Sabellus
ante dictus, civis Romanus, apud Sanctam Sabinam intra Urbem, in quo loco
habitant fratres Predicatores; et ibidem fecit fieri magna palacia et hedificia, et
sepultus est in bascilica sancti Petri infra domnum Nicholaum papam III. in
archa multum pulcra. Et quia cardinales tunc temporis non potuerunt concordare
de summo pontifice eligendo, in illa estate Romam sunt conmorati; et aliqui ex
eis graves infirmitates incurerunt, propter quod aliqui diem ultimum signaverunt.
Et vacavit sedes XI mensibus minus tribus vel quatuor diebus.
Eodem M. die VIII. Aprilis filii domni Hugolini de Foliano, domni Matheus,
Bartholinus et Nicholaus, per forciam aceperunt consortibus suis, scilicet domno
Bernardo de Foliano preposito Carpineti et domno Francisco, fratri ipsius, rocham
de Carpineto, castrum de Paule et de Monte, que erant comunia inter ipsos, et
Gissum de Malapresis domno Bernardo de Gisso. Die vero sequenti predicti
domni prepositus et Franciscus cum filliis ipsius, Panceriis et aliquibus de Malatachis
cum quibusdam eorum amicis de civitate Regii expulsi fuerunt; et domus
|
|