amicorum, qui nobis est vinculo sincere dilectionis, intime» vel
«preclare adstrictus, qui nobis catena pure dilectionis est
indissolubiliter colligatus, qui vestre sincere dilectioni colligatur
communiter, qui sinceris nostre dilectionis brachiis purissime
amplexatur; in tali facto» vel «negotio, pro quo
venit» vel «iter arripuit, suos gressus direxit, accedere festinanter
properavit» vel «non tardavit, vestre gratie subsidia
porrigatis eidem meis precibus et amore», vel «eidem inpendatis
honorem uti videtis expedire», vel «prout vestram
decet probitatem, prout iustitia suadebit, in quantum poteritis,
vobis honorificentia debita reservata; ita quod vestra prudentia
mediante, vestra gratia faciente, prudentia vestra cooperante,
potentia, consilio et auxilio suffragante; habere valeat quod
intendit, facere possit que optat, reportare valeat pro quo
venit» vel «consequi possit que affectat, cupit, gestit,
desiderat» vel «suum valeat desiderium adimplere; patrocinantibus
meritis bonitatis» vel «probitatis; ita quod meas
preces se gaudeat apportasse»; vel «super his cupimus
taliter vos habere, quod nostra precamina sibi sentiat profuisse»
vel «vestris teneamur semper servitiis obligatus,
adstrictus, mancipatus» vel «vobis ad servitia teneamur» vel
«teneamur vobis ad grates, servitia et honores; firmiter attendentes,
pro certo scientes, veraciter cognoscentes quod
quidquid ei feceritis vel duxeritis faciendum, nostre persone
reputabimus esse factum» vel «nostram personam spiritualiter
et directe prospiciet et non suam» vel «pro tali habebimus,
ac si nostre persone specialiter feceritis; pro quibus
vobis obligatus ero ad servitia gratiosa, pro quibus ipse mihi
tenebitur et ego vabis ad laudes universas et grates solemnes»
vel «ad gratiarum magnas et uberes actiones» vel
«ad grates subiectibiles, humiles et devotas»; vel «pro quibus
amicabiles duximus grates referendas» vel «gratias agimus
cum obsequio perpetue servitutis» vel «pro gratia spirituali
quam apud vos meruimus invenire, gratiarum actiones referimus
copiosas» vel «pro quibus adstrictus ero ad similia
et maiora, et bonitati vestre paratus semper existam grata
vicissitudine respondere».
|
|