[H]is vero relatis, ad superiora paululum redeamus.
[I]nterea cum domnus Oddo pręfatus, ut pertulimus, iam in
capitulo exegisset a nobis invitam manuum descriptionem de suę
abbatię confirmatione, tunc quidem valde contristati variis perturbationibus,
tempus non habentes oportunum, siluimus, et
qualiter ad hęc omnia ad curiam domni imperatoris intimanda
pergere possemus inter nos tractabamus. tunc visum est nobis
utillimum consilium, scilicet ut ad domnum Beraldum Aschari
filium, qui tunc in Ophida prępositus erat, iremus, et simul cum
ipso de nostri libertate monasterii apud domnum imperatorem
perfectius studeremus. itaque clanculo de hoc egressi monasterio
ad ipsum perreximus, et per dies .XIII. cum illo Ophida morati
sumus. post hęc in dominicę Ascensionis die, quę tunc evenit
.XII. kalendas maii, post missas et prandii refectionem, legatus
illuc ad nos venit, dicens domnum obisse Oddonem abbatem,
qui etiam ex parte confratrum nostrorum pręcipuorum nobis retulit
mandatum, ut nusquam pergeremus, sed ad eos simul cum
domno Beraldo festinanter reverteremur. nos vero eodem die
reverti cępimus, et ad urbem Reatinam die iam dominico devenimus.
ubi iterum ad nos cariores legati venerunt, et omnia.
prospera ac iocunda ab omni conventu cunctoque populo nobis
denuntiaverunt. altera autem die, cum magna sociorum nostrorum
equitumque caterva nobis obviante, in hoc monasterio reversi
sumus gaudentes. tunc omnes seniores in capitulum venermat,
et prędictum domnum Beraldum si de abbatię honore
immunis esset a symoniacę dationis munere certatim cęperunt
inquirere. tunc ipse omnimodis negavit nullum omnino cuiquam
se munus dedisse, nec daturum promisisse, nec aliquem
pro se id se sciente fecisse. qua vero professione ostensa, omni
placuit congregationi ut sibi certificaretur per testimonium sacramenti,
et adderetur ut si aliquis pro eo quamlibet factam habuisset
promissionem, ipse eam ex toto deinceps evacuatam
haberet. deinde pręfatus domnus Beraldus cognatum suum nomine
|
|