vel excelsae rupis ex parte maritimae praecipitio
se liberare. Et sic regni nostri negotiis
jam pro voto dispositis, ad rebellium nostrorum
et Imperii reliquias conterendas, Italiae
partes in proximo gladiis victoriose repetere,
feliciter et instanter accingimur: cum ad id
et voluntatis nostrae nos invitet aviditas, et de
Perusinis et Assismatibus rebellibus nostris, nuper
obtenta victoria reddat libere expeditos.
Tu igitur qui tanquam vas puritatis et aromatum
cella praecipua, per fidem et devotionem
tuam universis redolens, per exempla
quae nec seditiosa seductio variavit, nec
laborum commovit immensitas, nec demum
larga promissio potuit a nostri professione
nominis [in qua te nativa solidavit antiquitas]
immurare: singulorum mentes sollicita, et hujusmodi
nostrae festivitatis ferias ac adventus
nostri vigilias, una cum caeteris
nostris fidelibus ipsarum partium hilariter
solemniza.
Cap. LIII.
Comes Simon obsessus in castro Viterbii, consiliariis
comitis Casertani, pro subsidio suo.
Ad referandam nobis strictae obsidionis seriem,
et naturam, ac impugnationis hostilis
instantiam, famis et sitis penurias,
necessitatum multiplicium, quas patimur et