Pag 36

51. FORMA MONITIONIS, ORTATIONIS ET MANDATI
Vos et universitatem vestram monemus et ortamur in Domino nichilominus
vobis per apostolica scripta mandantes quatenus faciatis
hoc et hoc, vel desistatis ab hoc et ab hoc.
Hec enim forma, salutatione, exordio et narratione premissis, vel
salutatione et narratione dumtaxat, solet per summum pontificem observari;
per alios vero prelatos in litteris citatoriis solet dici, negotio explicato:
quare monemus vos pro primo, secundo et tertio termino et
peremptorie nichilominus auctoritate, qua fungimur in hac parte, vobis
per hec scripta mandantes quatenus die Iovis proxime ventura
post nonam et ante vesperas coram nobis in canonica Sancti Petri per
vos vel ydoneum responsalem vos presentare curetis honesto viro, domino
B. , clerico, de iustitia responsuri; vel sic: monemus vos nichilominus
auctoritate, et cetera, mandantes quatenus a presentatione presentium