31. AUGUST. ( ibid. ) Ecce coram Deo . Jurat itaque.
Juratio quae a malo est, non jurantis sed incredulitatis
ejus quae jurare cogit. Nam ita intelligitur
Dominum prohibuisse a jurando, ut, quantum in
ipso est, quisque non juret. Quod faciunt multi habentes
in ore jurationem tanquam magnum aut
suave aliquid.
32. LANFR. Eram autem ignotus . Ab eis non accepi,
quia cum constet me jam praedicasse, eram
illis ignotus facie, quia eram tantum notus auditu.
CAP. II.—1. LANFR. Ascendi Hierosolymam .
Ascendit quidem, non ut disceret; imo quia putabatur
Evangelium suum ab apostolis divisum, propter hoc
quia non fuit cum caeteris electus, nec audierat a
Christo. Ideo dicit se divina revelatione venisse, ut
conferret cum eis Evangelium suum, nec amplius
juste posset reprobari.
2. AUGUST. ( Expos. ad Galat. , cap. 2). Seorsum autem .
Hoc non ideo factum est quod aliqua falsa dixerit,
ut seorsim paucioribus vera diceret; sed aliqua
tacuerat, quae parvuli portare non poterant.
Perfectionem ergo illius opus erat ut scirent caeteri
apostoli.
3. ( Ibid. ) Videbantur . Carnalibus hominibus videntur
esse aliquid; nam non sunt ipsi aliquid:
etsi enim boni ministri Dei, Christus in illis est
aliquid.
4. ( Ibid. ). Ne forte in vacuum . Ne forte in vacuum
curro, aut cucurri? Quasi per interrogationem dictum
intelligendum, ut ex eo appareret non eum
in vacuum currere, aut cucurrisse, quia jam, attestatione
caeterorum, nihil ab Evangelii veritate dissentire
approbatur.
5. AMBROS. Ne forte in vacuum , id est, nequando
existimarer proprium, quod iter exsequi, et caeteris
apostolis inconveniens.
6. LANFR. Sed neque Titus . Voluerunt alii apostoli
ut Titus circumcideretur propter vitandum
scandalum quorumdam fidelium qui ex circumcisione
crediderant; sed non permisit Apostolus eum
circumcidi propter quosdam falsos Christianos qui
|
|