CXXXX.
Responsiva ad predictam.
Gratum gerimus et acceptum quod de nostris rebus, cum
expedit, postulatis, quia per hoc augmentatur dilectio et integra
familiaritas conservatur. Mittimus itaque vobis per vestrum
nuntium quod petistis, parati semper vestris mandatis
in omnibus obedire.
CXXXXI.
De archiprebistero ad archipresbiterum.
Multe discretionis, honestatis ac sapientie viro, domino
C. archipresbistero Tarvisino, amico plurimum diligendo, A
archipresbiter Paduanus quamquam immeritus et indignus,
salutem et cuncta que desiderat obtinere. Eructavit cor meum
verbum bonum; dico ego opera mea vobis; quia dum a fratribus
nuper mihi fuerit collata potestas, ut de persona idonea
viduate Paduane deberem ecclesie providere, invocata Spiritus
Sancti gratia, vestram elegi personam ad nostrorum regimem
corporum, et in episcopum et pastorem pariter animarum.
De quo fratres mei et populus Paduanus hymnum
canunt Gloria in excelsis et pre nimio gaudio silere non possunt
publice predicantes: Benedictus dominus Israel qui
facit mirabilia magna solus. Quapropter vestram duxi benignitatem
suppliciter exorandam, ut quod feci columba
nuntia confirmetis, et semper vestra dignitas mee precedentis
amicitie recordetur.
CXXXXII.
Responsiva ad predictam.
Magnificat anima mea Dominum et exultavit spiritus
meus in Deo salutari meo; quia respexit humilitatem servi
|
|