praestiteritis efficacem: et si quis exinde
foret negligens vel remissus, ac inutilis coram
Deo, in conspectu nostro poterit merito
culpabilis apparere. Datum Paduae etc.
Cap. XXVI.
Item alia de eodem.
Fridericus etc. Inconsutilem tunicam Dei
nostri dissuere conantur haeretici, et vocabuli
vitio saevientes, quod significationem
denunciationis, denunciat, in ipsius
indivisibilis fidei unitate nituntur inducere
sectionem, et oves a Petri custodia, cui pascendae
a pastore bono sunt creditae, segregare.
Hi sunt lupi rapaces intrinsecus, eousque mansuetudinem
ovium praetendentes, quousque
ovile possint subintrare Dominicum, quod
post ipsorum interitum desiderant demoliri:
hi sunt angeli pessimi, hi pravitatum sunt
filii a patre nequitiae, et fraudis authore ad
simplices animas destinati. Hi colubri, qui
columbas decipiunt: hi serpentes, qui latenter
videntur inserpere, et sub mellis dulcedine,
virus evomere, ac vitae cibum se simulant ministrare,
a cauda feriunt, et mortis periculum,
velut quoddam durissimum venenum
immiscent. Horum sectae, veteribus, ut non
in publicum prodeant, non sunt vocatae nominibus,