Christus diversis diversa dedit, ut perfecte quisquis
exerceri possit in opus ministerii quod accepit. Si
enim unus accepisset omnia, non perfecte posset
vacare ad singula. Quid autem sit opus ministerii
sanctorum, quibus spirituales gratiae a Christo collatae
sunt, subjungit dicens: In aedificationem corporis
Christi , ad hoc enim spiritualia charismata dantur
illis, ut corpus Christi, vel Ecclesiam
aedificent.
15. Donec occurramus . Ordo: donec nos omnes,
in unitatem fidei et agnitionem Filii Dei in hoc
saeculo subsistentes, occurramus in virum perfectum,
diem judicii significat, quomodo [ f ., quo] omnes
qui nunc habemus unam fidem et unam agnitionem
Filii Dei, sic ex diversis partibus mundi occurremus
invicem, ut unusquisque sit vir perfectus, habens
eam aetatem qua Christus de hoc saeculo transiit et
resurrexit, hoc est quod dicit in mensuram aetatis
plenitudinis Christi, id est, in qua aetate Christus
plenitudinem annorum et corporis habuit. Potest
intelligi occursuros nos in virum perfectum, ut omnes
simus unus vir perfectus, id est una Ecclesia,
cui nihil desit et cui nihil sit postea addendum
16. AUGUST. (lib. XXII De civit. Dei ., c. 15, tom.
V.) In virum perfectum . Sic accipiamus dictum, ut
nec infra, nec ultra juvenilem formam resurgant
corpora mortuorum, sed in ejus aetate et robore,
usque ad quam Christum pervenisse cognovimus.
17. ( Ibid ., ante.) In mensuram . De mensura aetatis
plenitudinis Christi, aut propter illud intelligamus
dictum esse; id est, ut illi capiti in populis Christianis
antecedente omnium perfectione membrorum,
aetatis ejus mensura compleatur; aut hoc de resurrectione
corporum dictum est.
18. LANFR. In mensuram aetatis plenitudinis
Christi , id est, in aetate qua Christus plenitudinem
annorum et corporis habens in terra de hoc saeculo
transiit.
19. AMBROS. Ex quo totum . Ex Christo quasi ex
capite copulatur corpus Ecclesiae, secundum quod
|
|