Cavacurta. Laudensesque, qui ad Piziguitonem confugerant,
una cum ipsis de Piziguitone et cum paucis equitibus Cremonensium,
qui minus de triginta fuere, obviam usque in campos
de Salvaterra Mediolanensibus cum vexillis et aliis insigniis
levatis iverunt. Mediolanenses igitur et Laudenses in aperto
campo morantes et bene se prospicientes nullo nemore nullisque
vitibus, nullo etiam fossato aut cesa nullisque arboribus inter
utramque partem existentibus; quamvis Laudenses pauciores
fuerant, tamen Mediolanenses nullo modo eos tunc invadere
ausi fuerunt, sed cum magno timore ad eorum castra, que
ad Castellionem fuerant, redierunt. Deinde Mediolanum
reversi sunt.
Hac eadem estate, que fuit in millesimo centesimo LVIII
anno, in mense Iulii venit tunc dominus Fredericus imperator
una cum rege Boemie et maxima multitudine archiepiscoporum,
episcoporum, ducum et marchionum, comitum et
ceterorum aliorum principum cum maximo et innumerabili
exercitu in Longobardia. Cum autem Brixiam appropinquassent
et nullum incommodum Brixiensibus se facere adhuc
disposuissent, nisi forte quod ipsorum scutiferi aliquid comedendi
causa villanis eorum auferebant, sicut in hoste fieri
|
1
5
10
15
20
|