Liber II
DE SALUTACIONIBUS ET OMNIBUS QUE AD IPSAS PERTINENT
[Prohemium]
Incipit secundus liber huius Summe, in quo tractatur de salutacionibus
et omnibus que ad ipsas pertinent, et continet in se duodecim
distincta capitula: primum, de salutacionum regulis et doctrina; secundum,
de salutacionibus ad papam, episcopos et omnes clericos tam
prelatos quam subditos, tercium, de salutacionibus ad religiosos et
moniales; quartum, de salutacionibus ad imperatorem, reges, duces
et marchiones, comites et barones, quintum, qualiter scribitur soldano
et aliis infidelibus et inimicis ad invicem; sextum, de salutacionibus
ad milites et magnos cives terrarum et domicellos iuvenes; septimum,
de salutacionibus ad civitates et rectores, octavum, ad iuristas, medicos,
magistros grammatice vel rethorice, ad studentes; nonum, inter
parentes et consanguineos in omni consanguinitatis vel affinitatis specie;
decimum, inter compatres et inter santolos et frozos, rusticos et
rurales , undecimum, inter amicos et socios , duo decimum, de salutacionibus
ad matronas et dominas in bona parte, et ultimo inter amantes.
Capitulum I
DE SALUTACIONUM DOCTRINA ET REGULIS
1. Quot sunt partes epistole
Insueverunt communiter quinque partes epistole assignari,
scilicet, salutacio, exordium, narracio, peticio et conclusio. Potest tamen
epistola constare pretermisso exordio, quandoque pretermissa
conclusione, quandoque pretermisso utroque. Absque narracione autem,
si quid postuletur, non congrue stabit epistola, qula parve vel
forte nullius est efficacie rei alicuius peticio sine causa, nisi forte causa
esset publica et omnibus manifesta, vel inter multa dileccione et amicicia
|
|