procliviores sumus, parcendum delinquentibus cum
moderatia nostris temporibus apta conveniens esse censemus. Nam et ipsa
pietas ita nos instruit dicens: Estote misericordes sicut et pater vester
misericors est. Et rex et propheta: Universe vie domini misericordia et
veritas. Et proculdubio tenebimus, quia iudicium sine misericordia erit ei
qui iudicium fecerit sine misericordia.
Volumus igitur et iubemus ut sanctiones quas in presenti corpore
sive promulgatas a nobis, sive compositas nobis facimus exhiberi, fideliter
et alacriter recipiatis.
I. De legum interpretatione
Leges a nostra maiestate noviter promulgatas pietatis intuitu asperitatem
nimiam mitigantes mollia quodam moderamine exaucuentes; obscura
dilucidantes, generaliter ab omnibus precipimus observari, moribus, consuetudinibus, legibus non cassatis pro varietate populorum nostro regno
subiectorum, sicut usque nunc apud eos optinuit, nisi forte nostris his sanctionibus adversari quid in eis manifestissime videatur.
II. De privilegio sanctarum ecclesiarum
Noverint ergo omnes nostre potestati subiecti, quoniam in voto nobis
semper fuit, et erit, ecclesias dei pro quibus dominus Ihesus sanguinem
suum fudit, protegere, defensare, augere modis omnibus, sicut et proienitores
nostri consueta liberalitate, id ipsum facere studuerunt, ideoque multa
et innumera beneficia a deo consecuti sunt semper in melius. Itque sacrarum ecclesiarum res omnes et possesiones in nostra post deum et sanctos
ejus custodia collacatas atque commissas ab omnibus incursibus malignantium,
gladio materiali nobis a deo concessas defendimus et inviolatas
custodimus; principibus, comitibus, baronibus et omnibus nostris
fidelibus commendamus, scituri, quod nostrum decretum quisquis violare
voluerit, nostram se sentiat ledere majestatem.
|
|