PRECES
Salvum fac servum tuum. Desiderium cordis eius. Vitam
petiit ad te. Oculi mei semper. Fiat misericordia tua. Exurge domine
adiuva nos. Domine exaudi orationem.
ORATIO
Gaudeat quaesumus domine famulus tuus tua sem<per> benedictione
confisus <ut et> temporalibus beneficiis adiu<vetur et erudia>tur
aeter<nis. Per>.
ALIA
Precibus nostris <quaesumus domine aurem> tuae pietatis <accom>moda
et orationes supplicum occultorum cognitor benignus
exaudi ut te largiente ad vitam perveniant sempiternam. Per.
Expleta missa secretorum et oratione dominica cum dixerit Pax domini
misceatur corpus domini cum sanguine et dicatur
H<aec sacrosancta commixtio corporis et sanguinis domini nostri>
Ihesu Christi fiat omnibus sumentibus salus mentis et corporis
ad aeternam vitam capescendam preparatio salutaris. Per.
ALIA
Fiat commixtio corporis et sanguinis domini nostri Ihesu Christi
accipientibus omnibus nobis <in vitam aeter>nam. Per dominum.
<Ante perce>ptionem eucharistiae oratio
Domine Ihesu Christe <fili dei vivi qui ex voluntate patris cooperante>
spiritu sancto per mortem tuam mundum vivificasti
libera me per hoc sanctum corpus et sanguinem tuum a cunctis iniquitatibus
et universis malis et fac me tuis oboedire praeceptis et
a te nunquam in perpetuum separari. Qui.
ALIA
Fiat mihi domine Ihesu <hoc sacramen>tum <tuum ad viscera misecordiae
tuae et gratiam salutis ad sanitatem animae et corporis ut
non ad iudicium> illud sed ad remedium percipere merear
salvator.
POST PERCEPTIONEM
Gratias tibi ago domine qui me peccatorem satiare dignatus es corpore
et sanguine domini nostri Ihesu Christi. Et ideo peto omnipotens
deus <ut haec sacrosancta> commixtio <sit mihi robur> fidei et scutum
<bonae> voluntatis <ad evacuandas omnes insidias diaboli de
corde et corpore meo et illud introire> convivium me peccatorem
permittas ubi lux vera est et gaudia sempiterna iustorum. Per.