5.] Deinde mortuo Lothario regnavit Berengarius Langobardus
ipse. Quem Vualpertus tunc archiepiscopus
suspectum habebat conscius ipse sibi. Cuius iram precavens,
ne regiis preveniretur insidiis - legerat enim: indignatio
regis nuncius mortis -, fugam paravit, Ottonem
Teutonicorum adiit regem suffragium postulans moxque illi
regnum se instante pollicetur Italicum. Qua erectus rex Otto
fiducia adscita sibi coniuge Adeleida Italie quondam
regina, uxore videlicet Lotharii, ilico meditatur regnum
subripere Berengario.
|
|