iterato tribus regibus apparuit. Item prope est ecclesie Helye prophete.
ubi angelus portavit sibi vas aque et subcinericium panem. Item. Bethleem.
in claustro. est locus quasi in spelunca. ubi Cristus natus fuit +. Item prope
est presepe. ubi Cristus reclinatus supra modicum feni +. Item locus. ubi
Cristus circumcisus. et in eodem loco innocentes fuerunt interfecti +.
Item scola beati Jheronimi. ubi Bibliam de judayca in latinam transposuit:
et ibidem est sepulchrum ejus et sepulcrum innocentium. Item
prope est locus. ubi virgo morabatur. cum fugeret cum filio suo in
Egiptum. Item. prope. locus. ubi angeli annunciaverunt pastoribus Cristi
nativitatem. Item. de Bethleem per octo miliarum. est sepulcrum duodecim prophetarum minorum. Item. de Bethleem per sedecim miliarum.
est Ebron. civitas antiquissima: ibi sepulcrum est Abraam. Ysaac et Jacob
et eorum uxorum. Item. prope Ebron. est ager Damascenus. ubi Deus
formavit Adam. Et. valde prope. vallis. ubi Abraham tres pueros vidit et
unum adoravit. Item. de Ebron per quatuor miliarum. desertum Johannis
Baptiste et ibidem fons. ubi baptizavit et predicavit. Item. de Bethleem per
duo miliarum. Philippus baptizavit eunuchum. Item. per octo miliarum.
est civitas montana. ubi Maria salutavit Elizabeth et composuit canticum
Magnificat. Item locus. ubi Johannes Baptista natus fuit + et. ubi absconditus propter Herodem. Item prope est domus Zacharie. modo vero est
ecclesia. Item claustrum. ubi crescebat sancta crux. Item. de Jherusalem.
versus Nazareth per unam dietam et mediam. in Samaria. est civitas
Thersa et Napulosa. ubi Cristus fatigatus itinere sedit super fontem
Jacob. postulans aquam bibere de muliere Samarita. Item. ultra per
quinque miliarum est civitas Sebasten. ubi sanctus Johannes Baptista est
sepultus inter Abdiam et Helyseum prophetas. Et prope est carcer. ubi
Sanctus Johannes decollatus fuit. Item. plus quam una dieta in Galilea.
est illa dilecta civitas Nazareth. ubi ille flos florum Cristus de Maria fuit
natus +. Item valde prope est fons. ubi Jhesus puer hausit aquam matri
sue. Item. extra civitatem. est altus mons. qui dicitur saltus ubi Judei
voluerunt Cristum precipitare. Jhesus autem transiens etc. Item a Nazareth