Cap. V.
Justiciario, ut procedat ad subventionem novi
militis, juxta priorum continentiam literarum.
Olim ad supplicationem M. et fidelis nostri
P. tunc Justiciario ipsarum partium,
praedecessori tuo, per literas nostras
injunximus, ut quia B. de patre ejus, ei
qui in nostris servitiis extitit fructuosus, et in
ejusdem filiii sui commodo naturalis affectio seu
charitas paterna non invitaverat, ut debuerat
invitasse, sibi dudum in receptione cinguli militaris,
quam ejus debuerat praevenire subventio,
lentus pater aut rigidus in aliquo non
praevidit, idem Justiciarius a vasallis prefati
B. juxta constitutionem regni nostri
subventionem praefato B. fieri faceret congruentem.
Cumque, sicut eo nuperrime referente,
comperimus dictum mandatum nostrum
effectu debito caruisset, fidelitati tuae praecipiendo
mandamus, quatenus juxta tenorem
literarum nostrarum, quas super hoc eidem
Justiciario praedecessori tuo direximus, praedictum
mandatum nostrum utiliter et celeriter
exequaris.