mense septembris, VIIII indictione. Ideoque ego Alahis, filius
bone memorie Arichis, pro redepmcione anime mee, per hanc
meam chartulam offercionis, offero in monasterio Beati Vincencii
levite et martyris, ubi Deo favente domnus Iosue abbas preest,
omnes res et substancias meas, quas habeo intus vel foras civitate
Benafro, hoc est casas meas Fabrittas, cum suis curtibus, que sunt
posite super fontem fluvii qui dicitur Sexto; quam et ecclesiam
nostram vocabulo Sancte Marie, que constructa est iuxta ipsum
fluvium, cum suo ortale; quam et terras meas quas habeo in finibus
Benafro, in loco qui dicitur Maczano, que sunt due pecie: prima
pecia, ubi ecclesia vocabulo Sancte Marie constructa est, et casa
Fabritta, que in eadem terra posita est, que habet fines iam dicta
prima pecia qualiter exfinant terre et montes, que domnus Arichis,
bone memorie princeps, concessas habet per suum preceptum
in iam dicto monasterio, secunda parte riagine que dicitur Ravennola,
unde per tempus aqua decurrit, tercia parte fossato, et terras
Iohannis Radoaldi, et terras Emelgrimi, et terras Paldoni, et terras
Truppoaldi, quarta vero parte riagine; secunda pecia ibidem, que
habet fines: prima parte fluvio Vulturno, de secunda parte riagine,
que exfinat inter hec terra et terra Arichis principis, tercia parte
iam dicta riagine, quarta parte fines habet terram Medanci; quam
et offero in iam dicto monasterio inclitum molendinum meum,
quem habeo in iam dicto fluvio Sexto, cum clusuris, ripis, aquis,
et cum suo cursu et viis ibidem || intrandi et exiendi; iterum offero
in eodem monasterio servos et ancillas nostras, qui in iam
dictis terris habitant, quorum nomina hec sunt: Theodericus cum
Pota uxore sua, Dominicus cum Rosa uxore sua, Ursulus cum
Formica uxore sua, Petrulus cum Angela uxore sua, cum filiis,
nuribus, nepotibus, et cum omnibus suis cespitibus. Hec omnia
in integrum offero ad possidendum eidem monasterio Sancti Vincencii
in perpetuum.
|
|