[46] Item statuerunt quod nulla persona teneatur, nec debeat facere carbonum,
cynerem, nec ligna in toto monte de Orfeno, nec in toto territorio
de Brachio; et qui contrafecerit solvat pro banno, qualibet vice,
soldos viginti imperiales; et quilibet fidedignus, qui sit vicinus, teneatur
et possit accusare per sacramentum.
[47] Item statuerunt quod nulla persona de Brachio, vel de Mergotio,
debeat, nec audeat facere ligna, nec aliquod stramum alicui forenssi;
et qui contrafecerit solvat pro banno, qualibet vice, soldos viginti imperiales;
et quilibet fidedignus possit accusare.
[48] Item statuerunt quod nulla persona, undecumque vellit esse sit, audeat,
nec presumat pasculare, nec aliquod dampnum inferre cum aliquibus
bestiis in egro de Brachio; et qui contrafecerit solvat pro banno,
pro qualibet bestiagrossa, imperiales sex, et qualibet minuta, imperiales
iiii, qualibet vice; et quilibet fidedignus possit accusare.
[49] Item statuerunt quod quelibet persona de Mergotio, vel de Brachio,
que habuerit clausos in territorio de Mergotio, seu de Brachio, debeat
ipsos clausos sic claudere de muro et de fossato quod equs, vel aliqua
bestia grossa, seu bovina, non possit intrare dictos clausos ab aliqua parte,
sub pena ponenda per consules.
[50] Item statuerunt et ordinaverunt quod nulla persona, cuiuscumque
conditionis existat, non possit facere calchariam supra territorio Mergotii,
|
|