[63] In primis syndici, consules, credentiariique maior pars hominum
et singularum personarum et vicinorum totius Communis Mergotii congregati
subtus porticum commune Sancti Quirici de Mergotio pro infrascriptis
ordinibus et statutis specialiter faciendis, statuerunt et
ordinaverunt unanimiter et concorditer quod si aliqua persona dicti loci
Mergotii et aliorum locorum suppositorum dictae terrae Mergotii, cuiuscunque
conditionis sit, a modo in antea fecerit seu commiserit quaestionem,
rixam, ferutam seu homicidium in loco et territorio Mergotii,
et in aliis locis et territoriis suppositis dictae terrae Mergotii, propter
quas rixam, quaestionem, ferutam seu homicidium dictum Commune
et homines Mergotii et alia loca supposita, utsupra, pati et substinere
contingerint aliquas expensas, seu damna, quod illa persona et personae
committentes et facientes, et qui committet et faciet, ac committent et
facient, dictam quaestionem, rixam, ferutam et homicidium, utsupra,
teneantur ad omnes expensas et damna, quae et quas ipsum Commune
et homines cum eorum pertinentiis pati contingerint cum occasionibus
praedictis, et compelli possint, summarie et de plano, sola facti veritate
inspecta, per consules dicti loci Mergotii, seu eorum syndicum, ad restitutionem
dictarum expensarum ac damnorum, et possint ipsi consules
et syndici in solutum accipere tot de bonis dictarum personarum sic committentium
et facientium, quae sufficiant ad quantitatem dictarum expensarum
et interesse, non obstantibus aliquibus statutis et ordinamentis
in contrarium facientibus.
[64] Item statuerunt et ordinaverunt quod omnes debitores dicti Communis
Mergotii, tam pro incantis, quam pro aliis rebus, teneantur et debeant
facere debitam solutionem de eo, de quo sunt debitores dicti
Communis ad terminum limitatum et ordinatum; quod si non fecerint
et contingerit dictum Commune et homines, seu eorum consules et canevarios,
seu alterum eorum litigare, agere et petere contra dictos debitores
dicti Communis pro consequendo solutionem ab ipsis hominibus
debitoribus de dictis debitis et facere aliquas expensas, quod dictum Commune
|
|