quasi trecentis uiris, ex Oriente contendentibus ad portum,
cum multis opibus onerata naue, et dum per tranquilla maria
tuto uelificaret, extemplo die media nox superuenit atra, in-
corruerunt uenti, intonuit procella cum turbine. Mergeba-
tur nauis, ut iam nullam spem sibi uitae crederent esse serua-
tam, sed omnis questus eorum in periculo labefiebat. Conti-
nuo apparuit eis angelus Domini in effigie sancti uiri Iuuena-
lis, stans super aquas. Qui mox uidentes eum clamauerunt
dicentes: «Si uir Dei es, libera nos!». Qui, extensis mani-
bus, exorauit pro eis: et peruenit nauis ad portum securitatis
optatum. Tunc sciscitati sunt ab eo, quis esset; ille dixit
eis: «Ego sum Iuuenalis, episcopus Narniensis. Agite gra-
tias Deo, qui uos liberauit, et si me uolueritis requirere, ad
Portam Superiorem me inuenietis». Et haec dicens, absces-
sit ab oculis eorum: qui admirantes ualde glorificabant Domi-
num. Et expletis actibus suis, miserunt, ut supradictum est,
quadraginta uiros prudentissimos cum magnis muneribus.
|
|