medicina istis est tediosa, de diacastoreis pillulis accipiant post comestionem,
vel ipsum castoreum; pro ventris constrictione clisteri
utendum est; imbeas benedictam vel catarticum imperiale seu theodoricon
yperiston, distempera cum aqua et per clistere inicias.
Dieta istorum sit tenuis et digestibilis, consideratis tamen causis
dispositioni flegmatice competentibus. Multociens calore vel frigiditate
vel aliis de causis fumositas stomaci collecta in cerebro dissolvitur
et momentaneam infert passionem, cui repentinam facias
medicinam: rosas, pulegium, olibanum in aqua bullias fumumque
patiens per os et nares recipiat; vel gummum arabicum cum aqua
rosacea bullias et liquefacta petra inducas fronti necnon et timporibus
superpone; vel masticem diu mastices in ore, et cum bene
masticatum fuerit, ad modum plagelle super timpora punas. Mulieribus
vero quibus multociens contingit causa matricis hec egritudo,
ita succurras: Mentastrum, sisimbrium aquaticum in aqua bullias,
et fumum ipsarum recipiant per os et nares; aqua caput abluant
et herbas superponant; vel ungant calidis unguentis et sic evaporante
fumositate dolor cessabit.
Veniendum deinceps ad illum dolorem qui habet fieri de materia
contenta in cerebro. Isti purgentur yera pigra Galieni prius;
deinde accipe sinapim et euforbium, tere et distempera in aceto
et superpone capiti; vel staphisagriam aceto mixtam, idem facit;
vel rade caput et ad solem vel cum testa arrogon vel pulegio inungas.
Caput purgium facias de castoreo et euforbio vel de elleboro,
vel aures puleginum intromissum multum confert, vel laurinum.
Ad ultimum, omnibus istis non subvenientibus, ad cyrurgiam confugimus.
Incidas enim venas capitis per quas fumositas ascendit
caput que sunt in timporibua. Incidantur autem super timpora
tantum ut lacerti non tangantur cum cauterio calido.
Hac autem passio mulieribus evenit ex conclusione matricis,
quibus hec sunt signa: negantur menstrua, occulos habent lipposos
et semper humidos; in die quasi musce ante oculos volitare videntur,
in nocte fantasias vident. Confestim purgabis eas cum theodoriton
yperiston; de V in V diem facias eis tale suppositorium
per naturam: Elleborum in vino bullias ad medietatem et colature
mel adiunge bulliatque ad vini consumptionem et etiam donec mel
transeat in duritiem; hoc facto suppositorium informa et suppone
per predicta loca competenti tempore. Iterum accipe cicer erraticum
et bullias cum vino et ipsios colaturam cum trifera sarracenice
tribuas et multum confert; namque cicer erraticus duas habet
proprietates quia constringit et menstrua provocat; si de ipsius apozimate
suffumigetur, et etiam abluatur vulva, continuo stringitur;
si decoctio eius cum trifera magna largiatur per os, menstrua
provocat. Vel facimus eis suppositorium de theodoricon yperiston,
vel pigra Galieni, bombace seu lana circumvoluta.
De emigranea. — Item nonnulli laborant de materia flegmatis
in aliqua parte stomaci collecta, illa pessima egritudine que dicitur
emigranea. Dolor non est continuus, sed interpolatus; urina istorum
|
|