(64) Fortune in stabilitas prudentis animum non conquassat. (65) Fedus amicitie conservat obsequiorum grata dulcedo.
(66) Furari dicitur usurarius quidquid accipit ultra sortem.
(67) Famulorum superbia dominorum tyrannidem protestatur.
(68) Fucata mulieris facies mentem indicat impudicam.
(69) Fatuitatis est inditium quando non convenit prorumpere in sermonem.
(70) Fortis est proprie qui honestos labores aggreditur et vitiis non subcumbit.
(71) Fidelis ad illicita, precipiente Domino, non tenetur.
(72) Facundia sine prudentia loquacitas est dicenda.
(73) Fame laudabilis excellentia debet inviolabiliter custodiri.
(74) Ferre gaudet patientia quicquid maioris est angustie vel laboris.
(75) Favor temporalis gratie multis preparat exitium in futurum.
(76) Gestus corporeus occulte mentis enucleat qualitatem.
(77) Gaudium solum inter omnes passiones vitam recreat et conservat.