et qui omnes fere manganos pretheriasque et scrimalias seu
machinas ceteraque defensionis Creme instrumenta suo mirabili
ingenio composuerat, imperatorem eiusque partem magis quam
Mediolanenses diligens et a parte imperatoris potius esse et
manere quam ipsis, quibus serviebat, servire cupiens, tum
imperatoris et Cremonensium amore, tum Mediolanensium et
Cremensium, qui ipsum invitum retinebant, odio, partim etiam
pro pecunia sibi promissa cum imperatore et Cremonensibus
pepigit; forisque ex castro Creme quadam nocte desuper
murum ipsius castri exiens per mediamque aquam, que in
fossato ipsius castri magna fuerat, transiens ad imperatorem
confugit. Imperator vero magno gaudio eum suscipiens,
statim optime eum induit bonumque destrerium duodecim
libris denariorum veterum comparatum ipsi donavit.
Ipse vero Marchexius cum de Crema exivit, statim quandam
suam mirabilem machinam ex lignis fabricavit supraque
eam quendam pontem plus de quadraginta brachiis lungum
et plus de sex latum constituit, quem foris de ipsa machina
plus de viginti brachiis, nullo homine sibi contradicere valente,
eicere poterat. Cum autem ipse Marchesius suam machinam
suumque pontem optime cratibus cooperuit, tunc fecit ea in
antea produci, usque dum fere fuit iuxta castellum imperatoris.
Gattus etenim iam prope murum ipsius castri precesserat
|
1
5
10
15
20
|