Iohannes Monachus: Chronicon Vulturnense, II

Pag 102


silva vestri monasterii per vim introire, aut ligna exinde incidere,
aut animalia ibidem pascere, vel frascas, aut perticas, aut circla
exinde tollere, aut excolere absque voluntate, et absolucione predicti
vestri monasterii, seu de vicedomini celle vestre ecclesie
Sancti Sossii de suprascripto vualdo per nullam racionem, aut
humano arbitrio, quod si contra hec concessionis nostre institucionem
quoquomodo agere, vel venire temptaverit, nostrique decreti
ex hoc violator extiterit, componere facimus ad prepositum
ipsius celle, aut vobis, posterisque vestris pene nomine auri libras
centum, et hec nostra concessio largitatis, ut supra legitur, sit
firma in perpetuum. et sic statuimus, et firmamus, ut ulterius
nullus audeat de his, que a nobis collata sunt, vobis, posterisque
vestris, vel suprascripti vestri monasterii, et celle eius quamcumque
requisicionem, aut amaricacionem facere, et nec nos, nec posteri
nostri, qui post nos in nostro honore, locoque duces accesserint,
per nullum modum, sed sicut superius legitur, et nos pro amore
et patrocinio supradicti sancti vestri monasterii Beati Vincencii ordinavimus,
esse constituimus, sic perennis, ac perpetuis temporibus
firmum, et roboratum permaneat ubicumque relectum fuerit apud
omnibus iudicibus seu potestatibus. Quam concessionem a nobis;
factam, sicut superius legitur, Andream primarium et scriniarium
scribere precepimus, in qua et nos subter pro eius firmitate manu
nostra propria subscribimus. adiungimus eciam et firmamus in
suprascripto vestro sancto monasterio medietatem de ipso Pantano,
de loco Tra[sa]nglu, que superius continet cum integrum ipsum
Fusarium, ibique coniunctum, ut habeat et possideat perpetualiter,
absque cuiuslibet molestie contradiccione vel requisicione. Scriptum
die et indiccione suprascripta .IIa., feliciter.

Torna all'inizio