civitati et familiis restituti fuerunt, et
dum bonis omnibus abundarent, omnium
beneficiorum vestrorum obliti, sine justa causa
recalcitrarunt dilecti, et in vos patrem et dominum
ac redemptorem eorum, nequiter conjurantes,
civitatem vestram laudabilem subverterunt
Nonis Septembr. Potestate et caeteris
officialibus nostris cum armis acriter fugatis.
Vocantesque de longinquo Cardinalem
Raynerium, et comitem Guilhelmum
nostros proditores, et Imperialis
nomims inimicos, in odium et
dedecus vestrum in Viterbiens. praedictam
vestram Cameram immiserunt: et a
praefata die comitem Simonem et me ipsum in
castello vestro Viterbii, diebus ac noctibus impugnarunt
hostiliter et instanter, lapidibus,
arcubus, balistis et machinis, quas in summitate
turrium erexerunt. Et collectis latronibus forbannitis,
et personis damnatis a remotis
partibus, et vicinis, nos circumdederunt
ut canes, ad majus etiam vituperium quibusdam
papilionibus antefixis. Proinde
Majestati vestrae flexis genibus, vinctis manibus
et madidis fletu genis, supplicio, et
instantissima prece rogo, quatenus ad liberandum
complexos, et ad confortandum eos qui adhuc