completi anni[s], quia inter nos talis fuit conveniencia. Unde pro
stabiliate vestra Indolfum clericum et notarium scribere rogavimus
in actu Sancti Vincencii, in castello Sampnie.
CORRADUS imperator obiit, et Enricus filius eius fit rex.
Post mortem igitur domni Ylarii abbatis, quidam Lando
clericus Capuanus, thesauro avaricie et malediccionis, mercatus
ecclesiam Sancti Vincencii <in Capua a Capuanis>, tenuit illam
per annos tres. sed cum Enricus rex Rome coronam imperii
suscepisset, et Capue venisset, idem Lando fuga lapsus est.
tunc imperator rogatus a cunctis fratribus domnum Liuhtfridum
abbatem dedit, qui erat genere teutonicus. In Casino quoque
cenobio Richerius similiter constitutus est abbas, postquam Atenulfus
aliquot prefuerat annis. Iam filii Borrelli super filios
Anserii surrexerant, et uno occiso per fraudem, aliis fide captis,
Alfedenam, Montem Nigrum, et alias terras huius monasterii abstulerunt,
et cetera invadere ceperunt, Buscurri, Mala Cocclaria, Rigu
Neru, Cerrum cum Spina, et Aqua Viva, Tenzunusu, Licenosum,
Collem Stephani et ceteras terras.
|
|