41. EXEMPLUM VULGARIS EXORDII EVITANDI
Habet iudicis cuncta cernentis vel nichil ignorantis agnitio quod
iustitie fomenta ministro nec mea vergit intentio in obliquum.
42. EXEMPLUM COMMUNIS EXORDII EVITANDI
Non arroganter sed delectatione precipua recolit mea devotio, et
cetera, ut supra sub rubrica 'Forma brevis commemorationis factorum
et officiorum scribentis'. Hanc enim formam vitare debet orator, si
noverit adversarium auditori non inferioribus beneficiis placuisse.
43. EXEMPLUM COMMUTABILIS EXORDII EVITANDI
In ipso aditu vestri ducatus, cum subiectorum corda in obedientie
vitio laborarent, illa omni contumacie spiritu expurgavi. Idem
leviter commutatum ab adversario dici posset, si duci postea regali fastigio
sublimato idem in regno quod ille in ducatu obsequium
prebuisset.
|
345
350
355
|