probitatis et discrecionis viris dominis talibus, vel sic: Maioribus circumfultis,
prudentibus et honestis viris omnibus de domo; vel sic:
Circumspecte prudencie viro domino Marco de, etc.; vel sic: Grandis
curialitatis et virtuositatis viris Lippo et Magno de Florencia Bychilinus
salutem et sincere dileccionis constanciam, vel cordis benivolenciam
cum salute, vel grate prosperitatis habitum et salutem.
3. Qualiter scribitur domicellis invenibus, fliis nobilium
Domicellis vero iuvenibus nondum perventis ad honorificencie famam
sic poterit diversimode scribi: Maioribus et nacione preclariori
Vagnicio domini Areti; vel sic: Clara generositate fulgenti, vel plurime
venustate curialitatis micanti, vel morum et generis nobilitate adoptato
Conozo domini talis; vel sic: Quem utriusque sexus generis decorat
nobilitas placabili domicello Nollo de Rostrano, vel sic: Cuius virtuosis
actibus nativa demonstratur nobilitas splendido domicello Rolando
.F. salutem et ancupacione semper fore asturem multarum
avium prostratorem, vel salutem et in venando non steriliter exerceri,
vel salutem et probitatem tam virium quam virtutis. Si vero velles
circa scienciam commendare, sic: Quem non solum morum generositas,
sed alcioris ingenii claritas ceteris anteponit .R. salutem et mundane
perfeccionem industrie sibi fore salutaris sapiencie monstrativam.
Capitulum VII
1. De salutacionibus civitatum ad civitates et rectores
Mirificis viris, vel viris prudentibus et discretis, vel multe dignitatis
et nobilitatis titulo perornatis; vel sic: Titulis insignitis prudencie,
vel nobilibus et sapientibus viris, vel grandis probitatis ac inmense
potencie viris, vel viris honorandis pro debito et timendis, vel viris
plurima nobilitate refertis domino .S. de Tallis potestati et domino
.P. de Savellis, nec non consilio et communi civitatis et populi Perusini,
amicis intime diligendis Pax de Pacibus potestas, antiani, rectores
Fractalearum, consilium et commune Paduanum salutem et semper
Grifonis graciam mirifice triumphantis, vel salutem et graciam amicicie
firmioris, vel salutem cum honoris et glorie incremento, sive sic: Nobilibus
viris providis et discretis domino .G. potestati totoque (sic!) consilio
et communi Paduano .F. potestas, consilium et commune Vincentie
salut em et amoris et pacis indissolubile vinculum sempiternum,
vel salutem et cunctis honoribus habundare, vel cum debita recommendacione
seipsos.
|
|