Miracula sancti Iuuenalis martyris
< Beneventi operata > (BHL 4613m)
Lectio I
1. Quodam tempore, cum Deus incolae huius patriae pro
piaculis irasceretur, immissiones per angelos malos immisit –
ut scriptum est – et uindictam exercuit in eis. 2. Cumque ui-
ri ac mulieres pestilentia percuterentur, sacerdotes et clerici
suburbani simul cum municipibus populis, magno cum gemi-
tu et supplicationibus letaniarum, ad martyrum patrocinia re-
currerent. 3. Clerus autem intentus psallebat et plebeius po-
pulus deuotis et altis uocibus Kyrie eleison clamabat.
Lectio II
1. Dum autem totum simul cum canticis et letaniis com-
plesset Psalterium, ceperunt, sole ruente, offerre Domino sa-
crificium uespertinum, 2. sed inter sacra missarum sollempnia
peruasor et hostis antiquus unum ex laicis, nomine Petrum,
qui super nomine Teutari dicebatur, 3. qui et inter supplican-
tes in ecclesia deuotis astabat, percussit.
Lectio III
1. Qui statim in pauimento absque loquela ruens, cunctis
astantibus incussit pauorem. 2. Cumque orationis ob terrorem
|
|